Dje, Vllaznia ka mundur të bëjë kthesën e madhe pasi arriti të fitojë ndaj Flamurtarit me rezultatin 3-0 në shtëpi, rezultat mjaft pozitiv që iu dha shkodranavë jo vetëm tre pikë të arta, por mbi të gjitha besimin se Vllaznia tashmë mund t'ia dalë të ecë para.
Ditën e djeshme, ndikuar nga rezultati i thellë ndaj vlonjatëve, u pa dhe një mbështetje masive ndaj trajnerit Ernest Gjoka, gjë e cila nuk kishte ndodhur prej kohësh në kampin shkodran.
Pas shënimit të golit të dytë, në minutën e 40' tifozeria shkodrane është dëgjuar të thërrasë njëzëri emrin e teknikut, kjo gjë normalisht ka bërë që Gjoka të emocionohet dhe të mos fshehë gëzimin në këtë moment. Fitorja e djeshme si duket nuk ka sjellë vetëm gëzim për tifozët apo lojtarët, por edhe për trajnerin, i cili ka pasur nevojë për këtë mbështetje pas gjithë atyre momenteve negative që kishte kaluar.
Lexo gjithashtu
