Tashmë edhe zyrtarisht Erbim Fagu është trajneri më i ri i Tiranës. 36-vjeçari është prezantuar nga presidenti Refik Halili paraditen e sotme, duke zëvendësuar kështu në stol Julian Ahmatajn. Për Fagun është një rikthim në “shtëpi” pasi në të kaluarën ka kontribuar edhe në fitimin e titullit kampion në sezonin 2021-2022. Klubi i uron mirëseardhjen trajnerit të ri dhe i besojnë kështu skuadrën për pjesën e mbetur të sezonit. 36-vjeçari do të debutojë sot në stolin e bardhebluve në çerekfinalen e parë të Kupës së Shqipërisë ndaj Teutës që do të luhet në "Niko Dovana" në orën 17:00. “MIRËSEVJEN ERBIM FAGU! Klubi i Futbollit Tirana njofton zyrtarizimin e trajnerit Erbim Fagu. Klubi i Futbollit Tirana njofton rikthimin e teknikut Erbim Fagu në statusin e trajnerit të ekipit të parë. Pas një eksperience si lojtar i spikatur dhe trajner i moshave si brenda edhe jashtë vendit, Fagu rikthehet në shtëpinë bardheblu tashmë si pjesë kryesore e pankinës së Tiranës. Fagu është tekniku i cili ka dhën kontribut të madh gjatë gjithë rrugëtimit në sezonin 2021-2022 pranë bardhebluve, duke e ndihmuar ekipin e parë në rrugën drejt tiullit kampion. Klubi i Tiranës i uron mirëseardhje trajnerit Erbim Fagu! Në zemër gjithmonë bardh e blu!”, ka shkruar klubi.

 

View this post on Instagram

 

A post shared by KF Tirana (@kftirana.al)