Tashmë ka ardhur edhe zyrtarizimi. Bedri Greca është lojtari më i ri i Elbasanit. Sulmuesi pasi i ka dhënë fund aventurës së tij me Kastriotin ishte lojtar i lirë.
Në sezonin e ri do të synojë të jetë protagonist me skuadrën elbasanase, teksa do të vihet menjëherë nën urdhrat e Nevil Dedes. Një përforcim i rëndësishëm dhe eksperienca e 32-vjeçarit do të ndihmojë verdheblutë në arritje e objektivit Superiore.
“Bedri Greca zyrtarisht vjen në Elbasan. Sulmuesi kryeqytetas i bashkohet ekipit tonë pas eksperiencës me Kastriotin në Abissnet Superiore ku edhe gjeti rrugën e rrjetës 5 herë.
Greca përgjatë karrierës është aktivizuar me Tiranën, Kukësin, Laçin e Flamurtarin ndërsa numëron paraqitje dhe në Superligën e Kosovës me Gjilanin dhe Feronikelin.
Bedri Greca "mban" në shpatulla dhe titullin kampion të Superiores dhe trofeun e Superkupës së Shqipërisë.
Welcome GRECA!”, ka shkruar klubi.
Lexo gjithashtu
