Më në fund vjen dita e shumëpritur. Derbi i kryeqytetit i vlefshëm për javën e 6-të të “Abissnet Superiore” do të luhet ditën e sotme në “Air Albania” duke nisur që nga ora 19:00. Një duel i prapambetur, i cili u shty për shkak të stadiumit, ndërsa tashmë ekipet janë gati për të përplasur “brirët” mes tyre.
Si demat ashtu edhe bardheblutë do të kërkojnë vetëm fitoren, e cila përballë rivalit të përjetshëm shijon më shumë. Një përballje që vjen më shumë se 3 pikë, vlen për krenarinë e kryeqytetit.
Të dyja ekipet në këtë duel vijnë me ndryshime në stol. Për koicidencë në stolin e Partizanti provizor është Arbër Abilalilaj, një ish-bardheblu, ndërsa Tirana do të drejtohet nga Julian Ahmataj, një ish-i kuq. Mbetet të shihet se cili do të dalë fitimtarë në këtë përballje, teksa derbi është sfida më e luftuar në futbollin shqiptarë dhe si e tillë ka “ndezur” kryeqytetin prej ditësh.
Lexo gjithashtu
