Vitor Feijao është larguar nga Kukësi. Sulmuesi brazilian do të firmosë me FC Shakhter Soligorsk në Bjelloursi, në formën e huazimit. Supersport raporton se 50 mijë euro do të kalojnë në arkat e klubit të Kukësit, pasi kjo është shuma që klubi bjellorus ka kaluar aktualisht në arkat e Kukësit për huazimin e Feijao, i cili ka kontratë deri në verën tjetër me verilindorët.
Kujtojmë se më parë për Soligorsk, ka luajtur një tjetër ish-lojtar i Kukësit, Elis Bakaj. Feijao, 25 vjeç, ka qenë një nga lojtarët më të dalluar të bluve sezonin e shkuar, duke shënuar 6 gola dhe duke dhuruar 4 asiste.
Braziliani ka mbushur arkat e klubit të Kukësit, por ka lënë një hapësirë në krahun e majtë të sulmit, të cilën trajneri i ri Skënder Gega duhet ta zëvendësojë.
Lexo gjithashtu
