Portieri Cristiano Cardoso është një nga përforcimet e kësaj merkato për ekipin e futsal, Prishtina 01. I ardhur nga Brazili, Cardoso ditën e djeshme ka bërë dhe debutimin e tij me ekipin e tij, në sfidën ndaj BB Llapit e cila ka përfunduar me fitoren e Prishtinës 10-1.
Cardoso duket se është ambjentuar shpejtë me ekipin kryeqytetas, ndërsa shokët e skuadrës e kanë “detyruar” që prezantimin me skuadrën ta bëjë me këngën “Xhamadani vija-vija”. Në një video të postuar nga vetë faqja zyrtare e klubit Prishtina 01, portieri Cardoso shfaqet duke u munduar të këndojë disa nga rrjeshtat e këngës “Xhamadani vija-vija”.
Loading ...
