Vasil Shkurtaj vetëm pak orë më parë njoftoi largimin nga skuadra e Laçit. Sulmuesi ka ndarë rrugët kështu me kurbinasit dhe tashmë është lojtar i lirë në treg. Jemi në periudhë merkatoje dhe shumë shpejt pritet që 31-vjeçari të vendosë për të ardhmen.
Sigurisht interesi për shërbimet e tij është i madh. Një opsion mund të jetë edhe skuadra e Flamurtarit që do të luajë sezonin e ardhshëm në Kategorinë e Parë. Me emërimin Emiliano Çelës në Vlorë janë në kërkim të një sulmuesi “9” që të merrte mbi super përgjegjësitë e golave.
Si për të shtuar zërat ka menduar vetë sulmuesi, i cili ka publikuar një video në rrjetet spociale ku padiskutim destinacioni është Vlora. Mos vallë lojtari po udhëton në Vlorë për të diskutuar për të ardhmen apo në këto ditë të nxehta ka vendosur të shijojë bukuritë e vendit bregdetar? Një pyetje që duhet të presim ditët në vazhdim për të mësuar se cila do të jetë e vërteta.
Ndërkohë kujtojmë se këtë sezon me fanelën e bardhezinjëve, Shkurtaj ka arritur të luajë në 26 ndeshje dhe ka shënuar 6 gola mjaft vendimtar.
Lexo gjithashtu
