Angli-Danimarkë 2-1
NDESHJA: Anglia merr një fitore të artë 2-1 pas 120 minutash ndaj Danimarkës dhe arrijnë finalen e madhe të EURO 2020 teksa do të përballen me Italinë. Ndeshja nisi keq për vendasit në Ëembley pasi Damsgaard shënoi një supergol nga goditja e dënimit. Anglia nuk u dorëzua dhe tentoi disa herë, por goli do të vinte pas një devijimi të Kjaer në portën e tij. Mbrojtësi i Milanit në tentativ për të larguar topin e devijon në portën e tij duke shkaktuar autogol me pjesën e parë që mbyllet në barazim 1-1. Edhe pjesa e dytë e ndeshjes nuk sjell ndryshim të rezultatin dhe dy ekipet i drejtohen shtesave për të përcaktuar fituesin.
Në minutën e 104-të, Sterling fiton një penallti të dyshimtë që akordohet edhe me VAR. Nga 11-metra, Kane gabon fillimisht pasi ndalet nga portieri I Danimarkës, por më pas më portën bosh e dërgon në rrjetë. Pas këtij goli, Anglia ruajti rezultatin deri në fund duke shkuar kështu në finalen e EURO 2020 për herë të parë në historinë e tyre dhe do të përballen me Italinë. Kjo është finalja e dytë në histori për ta pasi 55 vite më parë luajtën dhe fituan botërorin e 1966-të.
Gjysmëfinalje e EURO 2020
Angli: Pickford; Walker, Stones, Maguire, Shaë; Phillips, Rice, Mount; Saka, Kane, Sterling.
Danimarkë: Schmeichel - AC, Kjar, Vestergaard - Stryger, Hojbjerg, Delaney, Maehle - Braithwaite, Dolberg, Damsgaard.
Komenti minutë pas minute:
120' Mbyllet ndeshja, Anglia mposht Danimarkën pas 120 minutash me një penallti të dyshimtë dhe arrin finalen e madhe ku do të sfidojë Italinë.
106' Nis shtesa e dytë.
105' Mbyllet shtesa e parë në "We,blye", Anglia një hap larg finales.
105' GOL!!! Anglia gjen golin e avantazhit. Sterling pengohet brenda zonës, gjyqtari akordon penallti. Nga 11-metra Kane gabon fillimisht, por topi i kthehet sërish dhe kapiteni i Anglisë nuk gabon dy herë.
99' Anglia pranë golit, Sterling provon nga jashtë zone, por gjuajtja e tij përfundon jashtë.
91' Nis shtesa e parë e Angli-Danimarkë.
90' Mbyllet ndeshja, nuk ka fitues në "Wembley", finalisti i EURO 2020 vendoset në shtesë.
59' Aksion model i Danmarkës, Dolberg gjuan fortë, por ndalet nga portieri Pickford.
46' Nis pjesa e dytë.
45' Mbyllet pjesa e parë, Anglia dhe Danimarka barazojnë 1-1.
40' GOL!!! Barazohet ndeshja, Saka pason brenda zonës, ndërsa Kjaer e devijon duke shkaktuar autogol.
38' E pabesueshme ç'humbet Sterling, sulmuesi i Anglisë ndalet nga një super pritje e Schmeichel.
30' GOL!!! Çfarë perle, Damsgaard godet nga faulli dhe topi ndalet në fundin e rrjetës.
25' Danimarka donimon ndeshjen, Damsgaard gjuan fortë me topin që kalon ngjitur me shtyllën.
10' Mundësi e mirë për Danimarkën, Walker mbyll një akison të rrezikshëm.
1' Starton ndeshja, topi i parë shkelmohet nga Danimarka.
Lexo gjithashtu
