Agustin Kola motivoi lojtarët e Tiranës para derbit të fundit me Dinamon në “Air Albania”. Një fjalim i shkurtër nga ish-lojtari i bardhebluve, por me shumë vlera dhe që i parapriu fitores 3 me 2. “Jam mësuar me fol me këmbë në fushë. Këtu nuk di të flas shumë po më keni futur në emocion. Ju kam ndjek dhe jeni grup shumë i mirë. Vetëm Tirana ka një gjë, për njëri-tjetrin, mos u dorëzoni. Ndihmoni njëri-tjetrin, unë kam besim, ia kam thënë dhe presidentit, ju kam ndjek. Çdo gjë ndodh, ju shihni përpara. Leni këto(këmbët) në fushë dhe suksese çuna”, u shpreh Agustin Kola para se të takonte lojtarët dhe të largohej. Një “sekret” i vogël i bardhebluve nga dhomat e zhveshjes, që tregojnë frymën. Kujtojmë se Tirana mban aktualisht vendin e pestë në renditjen e përgjithshme, 1 pikë larg Skënderbeu që mbyll zonën e “Final Four”.  

 

View this post on Instagram

 

A post shared by KF Tirana (@kftirana.al)