Skënderbeu 1-2 Tirana (Mensah 8' / Ngoo 71', 76')
NDESHJA/ Është mbyllur ndeshja Skënderbeu 1-2 Tirana. Bardheblutë kanë përmbysur korçarët me 2 gola të Ngoo, duke qenë me një dorë te titulli kampion. Ndeshja ka nisur më mirë për vendasit, që kanë gjetur golin me anë të Mensah në të 11. Ndeshja ka qenë e luftuar në çdo cep të fushës, ndërsa fraksioni I parë është mbyllur me këtë rezultat.
Pjesa e dytë ka folur totalisht për bardheblutë, që I kanë marrë fushën dhe topin kundërshtarëve duke kërcënuar shpeshherë portën vendase. Është dashur minuta e 71 atëherë kur Ngoo do të barazonte shifrat dhe vetëm 5 minuta më vonë do të gjente golin e fitores, duke sjellë festë në kampin e miqve. Me këtë fitore Tirana ruan diferencën prej 9 pikësh nga Kukësi ndjekës, ndërsa java e ardhsshme do t'I përplasë të dyja skuadrat në ndeshjen direkte.
Kategoria Superiore, java 31 - 20:00
Stadiumi: Skënderbeu, Korçë
Arbitër: Eldorian Hamiti
Formacionet:
Skënderbeu: Koliçi, Dwumfour, Dita Pëllumbi, Imami, Mara, Daja, Elezi, Gripshi, Mensah, Krasniqi Trajner: Ilir Daja
Tirana: Lika, Doka, Muça, Vangjeli, Ismailgeci, Batha, Çelhaka, Torassa, Cobbinah, Cale, Ngoo Trajner: Emmanuel Egbo
Komenti minutë pas minute:
90+4' Mbyllet 1-2 ndeshja në Korçë
90+2' Hasani dhe Osmani në lojë, Batha dhe Ngoo jashtë
90' Katër minuta shtesë
80' Cobbinah godet nga jashtë zone, topi prek rrjetën e jashtme
76' GOOL! Ngoo gjen golin e avantazhit për Tiranën, përmbysin bardheblutë
71' GOOL! Michael Ngoo barazon shifrat
66' Bajram Jashanica hyn në vend të Dajës për vendasit
65' Muça ndëshkohet me karton të verdhë
62' Tirana e zhvendosur në gjysmëfushën e bardhekuqve
59' Cale rrëzohet, arbitri jep faull jashtë zone, protestojnë të dyja ekipet
57' Aksion 1-2 i Tiranës, Cobbinah nuk ia del të shënojë
52' Batha tenton nga goditja e dënimit, pret Kolici
48' Agustin Torassa ka rastin më të mirë për barazim, atgjentinasi bën të pamundurën
46' Nis pjesa e dytë në Korçë
45+1' Mbyllet 1-0 pjesa e parë
45+1' Ngoo assiston për Cobbinah, mbyllt Bruno Dita një gol të sigurt për bardheblutë
45' 1 minutë shtesë
45' Faull për Skënderbeun në mesfushë
44' Cobbinah tenton nga jashtë zone
38' Batha provon nga goditja e dënimit, pret Kolici
30' Faull nga Torassa pranë zonës së Tiranës, goditje dënimi për vendasit
28' Cale shfrenon fantazinë, goditja përfundon jashtë
24' Batha provon nga jashtë zone, topi devijohet në këndore
22' Mensah del i vetëm përballë Likës, sulmuesi godet mjaft keq
15' Batha humbet një rast të artë për barazimin
14' Bruno Dita merr karton të verdhë pas një ndërhyrje ndaj Cale
8' GOOL! Mensah kalon në epërsi Skënderbeun pas një goditje këndi
7' Mensah merr karton te verdhe
5' Ndërhyrje e gabuar nga Dwunfur, mbrojtësi i Skënderbeut ndëshkohet me të verdhë
3' Muça kërkon Cale me një top të gjatë, nuk përfitojnë bardheblutë
1' Nis ndeshja me topin e parë shkelmuar nga miqtë
Lexo gjithashtu
