Kukësi nuk po kalon aspak një moment të qetë, verilindorët morët një barazim zhgënjyes në Kupën e Shqipërisë ndaj Apolonisë. Nuk ka kohë për të humbur pasi situata në kampionat nuk është në favorin e tyre. Aktualisht renditen në vendin e fundit me 16 pikë pas 16 sfidat të luajtura deri më tani, shumë larg pritshmërive të fillim sezonit.
Menjëherë trajneri Rrahman Hallaçi ka hedhur lojtarët në fushën e blertë për të nisur kështu edhe përgatitjet për duelin e radhës në kampionat, që do ta luajnë ndaj Erzenit ditën e dielë duke nisur që nga ora 13:00.
Edhe pse ditën e sotme ka pasur reshje intensive në të gjithë vendin, verilindorët nuk e kanë ndërprerë aspak stërvitjen dhe me anë të një video të psotuar në rrjetet sociale shikohet se lojtarët luajnë në shi, me futbollistët që janë bërë siç thotë një fjalë popullore si “pula të lagura”.
Lexo gjithashtu
