PARTIZANI – LAÇI 1-1
Partizani: Hoxha, Idrizaj, Bitri, Belica, Hakaj, Mala, Kote, Bardhi, Çinari, Cordeiro, Cardoso Trajner: Ilir Daja
Laçi: Sherri, Selmani, Ignjatovic, Obanor, Marku, Deliu, Shehu, Lushkja, Turkaj, Xhixha, Harmon Trajner: Shpëtim Duro
Gjyqtar: Kridens Meta
Ndeshja: Një sfidë që nuk njeh fitues me Partizanin dhe Laçin që ndajnë nga 1 pikë. Një rezultat që i shkon për shtat të dy skuadrave duke parë humbjen e Vllaznisë me Tiranën. Ndeshja nis me ritëm nga ana e kurbinasve, por janë vendasit që kalojnë të parët në avantazh me Çinarin. Në pjesën e dytë, është Laçi që shënon me Harmon që shfrytëzon mirë një top nga Julian Shehu. Pas kësaj sfide, të dy ekipet shkurtojnë diferencën me Vllazninë kryesuese. Partizani ngjitet në kuotën e 38 pikëve në vendin e dytë, ndërsa Laçi me 37 pikë, aq sa ka dhe Teuta e vendit të tretë.
Komenti minutë pas minute:
90′- Gjyqtari i katërt jep 4 minuta shtesë, rezultati mbetet i pandryshuar.
88′- Goditje dënimi për Partizanin. Provon Bardhi, por topi ndalet nga muri.
80′- Partizani dhe Laçi mbrohen mirë. E gjithë loja është spostuar në mesin e fushës me dyluftime të shumta.
64′- Laçi barazon rezultatin. Harmon shfrytëzon mirë krosin e Julian Shehut dhe e con sferën në rrjetë.
61′- Nga loja del Cardoso, në vend të tij futet Jasir Asani.
53′- Regi Lushkja provon me një goditje jashtë zone, pret Alban Hoxha.
46′- Laçi e nis me zëvendësim. Selmani mbetet në dhomat e zhveshjes, ndërsa në fushë zbret Lucas Ramos.
45+1′- Cinari realizon golin e parë në minutën shtesë. Pasim i bukur i Hakajt dhe sulmuesi shkodran shkund rrjetën kurbinase.
45′- Gjyqtari i katërt jep 1 minutë shtesë.
31′- Kombinim i bukur mes Bardhit dhe Cinarit. Sulmuesi shkodran del përballë portës kurbinase, por nuk arrin ta çojë topin në rrjetë.
20′- E pabesueshme çfarë humb Redon Xhixha. Sulmuesi i kurbinasve prek topin me dorë, por dhe sferën nuk arrin ta çojë në rrjetë.
15′- Moment i mirë për Partizanin. Esin Hakaj ka mundësi të artë shënimi, pas topi të mrekullueshëm të Bardhit, por sfera përfundon jashtë.
3′- Ardit Deliu gjuan një goditje dënimi, por pa asnjë problem për Alban Hoxhën.
1′- Topi i parë shkelmohet nga vendasit.