Universitae Cluj 1-3 Partizani
Përfundon miqësorja e fundit e Partizanit në Turqi me të kuqtë që fitojnë 1-3 ndaj rumunëve të Universitae Cluj. Demat e Shehit e nisën keq sfidën teksa gabuan disa herë në pasime në pjesën e parë që sollën edhe pësimin e golit.
Komplet ndryshe pjesa e dytë ku pamë një Partizani të konsoliduar duke gjetur shumë shpejt golin e barazimit me Tedi Carën që fitoi një penallti dhe e shndërroi vetë në gol. Pak minuta më vonë, Sembene përmbysi sfidën me një gol me kokë pas krosimit nga këndi. Vulosja do të vinte nga Maguette me një supergol nga distance e largët që përfundoi në cepin e rrjetës.
Partizani mbyll kështu edhe miqësoren e dytë, ndërsa nesër do të zhvillojë seancën e fundit stërvitore e më pas do të rikthehet në Shqipëri.
Formacioni i Partizanit:
Partizani (4-3-3): Qirko; Hadroj, Sota, Sembene, Atanaskoski; Murataj, Maguette, Rrapaj; Taipi, Birçaj, Cara. Trajner: Orges Shehi
Komenti minutë pas minute:
90' Përfundon ndeshja.
73' Supergol i Maguette, Partizani shënon të tretin. (VIDEO)
67' Partizani gjen golin e avantazhit, Sembene fluturon mbi të gjithë dhe tund rrjetën. (VIDEO)
60' Tedi Cara i pakapshëm në krahun e majtë, sulmuesin e Partizanit e ndan vetëm shtylla. (VIDEO)
53' Hadroj avancon brenda zonës dhe godet diagonale, por qendrore për portierin.
48' Tedi Cara fiton penallti dhe e kthen në gol, Partizani gjen barazimin. (VIDEO)
46' Nis pjesa e dytë.
45' Mbyllet pjesa e parë.
43' Tjetër gabim nga lojtarët e kuq, rumunët shohin pozicionin e Qirkos dhe tentojnë parablën, por topi shkon mbi traversë. (VIDEO)
29' Gafë e rëndë e Qirkos dhe mbrojtjes së Partizanit, të kuqtë pësojnë golin e parë. (VIDEO)
24' Iluzion goli nga rumunët, Rrapaj gabon dhe vë në vështirësi Partizanin (VIDEO)
20' Depërtim i Tedi Carës nga mesfusha drejt zonës, pason për Birçajn i cili tenton t'ja kthejë me parabël në zonë, por topi devijohet nga mbrojtja në këndore.
8' Kombinime të Partizanit nga krahu i djathtë i zonës, Murataj pason për Carën i cili godet mbi traversë.
1’ Starton miqësorja.
Lexo gjithashtu
