KASTRIOTI-PARTIZANI 1-1
Java e 17-të e “Abissnet Superiore”
Stadiumi: Kamëz
Formacionet zyrtare:
Kastrioti: Sali, Karakaçi, Sulka, Kodra, Stojanovic, Mehmeti, Onanuga, Hasani, S.Selmani, Çela, Zogaj. Trajner: Ardian Mema
Partizani: Rexhepi, Atanaskovski, Bitri, Hadroj, Sota, Murataj, Telushi, Rrapaj, Hoti, Cara, Skuka. Trajner: Giovanni Colella.
Ndeshja: Kastrioti ka barazuar 1-1 kundër Partizanit, sfidë e vlefshme për javën e 17-të të Superiores. Një takim mjaft i rëndësishëm për të kuqtë, të cilët nuk arritën të merrnin më shumë se 1 pikë. Fillimisht ishte skuadra e Giovani Colellës që kaloi në avantazh me Tedi Carën që shndërroi në gol penalltinë e fituar nga Xhuliano Skuka. Edhe pse të kuqtë u përpoqën të shënonin golin e dytë, ishte Silvio Zogaj që u ktheu “reston” duke barazuar shifrat. Pas këtij takimi, Partizani ngjitet në kuotën e 30 pikëve në vendin e parë. Ndërsa, krutanët kanë koleksionuar 19 pikë duke qëndruar në vendin e shtatë.
Komenti minutë pas minute:
90'- Gjyqtari i katërt jep 4 minuta shtesë.
66'- Kastrioti barazon rezultatin. Inkursion i bukur i Silvio Zogaj që shkund rrjetën me një goditje nga distanca.
54'- Partizani realizon golin e parë. Një penallti e fituar nga Skuka, që shndërrohet në gol nga Cara.
46'- Starton pjesa e dytë.
45'- Gjyqtari i katërt jep 2 minuta shtesë.
33'- Partizani pranë golit. Gjuan Ëngjëll Hoti por pret portieri Sali.
27'- Goditje dënimi për Partizanin. Gjuan Tedi Cara, por largojnë mbrojtësit e Kastriotit.
24'- Partizani mundohet të shtyjë përpara. Por, mbrojtja krutane është e vendosur mirë.
9’ Një goditje këndi për Kastriotin nuk u shfrytëzua mirë nga ekipi me topin që u largua mirë nga Bitri.
4’ Partizani nis një aksion me një top të gjatë nga Bitri për Carën, por mbrojtja e Kastriotit tregohet e saktë.
1’- Shkelmohet topi i parë në Kamës. Kastrioti dhe Partizani kanë detyrim fitoren.
Lexo gjithashtu
