Diskutimet në prag të ndeshjes Itali-Shqipëri janë të gjitha për çështjen e portës. Në mungesë të Etrit Berishës, një mes Alban Hoxhës dhe Foto Strakoshës është në balotazh për të marrë postin e titullarit me përfaqësuesen më 24 mars në Palermo.
Klubi i Partizanit ka postuar një video me paraqitjet mbresëlënëse të Alban Hoxhës me fanellën e kuqe dhe atë të Kombëtares, ndërsa ka hapur një sondazh për të marrë edhe opinionet e tifozëve të kuq dhe jo vetëm nëse kapiteni i 15 herë kampionëve të vendit e meriton të jetë titullar kundër Italisë apo jo.
Alban Hoxha ka pasur dhe mban statusin e portierit të dytë në Kombëtare pas Etrit Berishës dhe një gjë të tillë, De Biazi e “vulosi” me aktivizimin e tij në sfidën kundër Izraelit kur portieri i parë doli me karton të kuq dhe në fushë hyri Hoxha i cili priti edhe një 11-metërsh.
Loading ...
