Skënderbeu – Kukësi 1-1
Shënues: Latifi 14′ / Kale 90′
Formacionet zyrtare
Skënderbeu: Shehi, Vangjeli, Osmani, Jashanica, Mici, Orelesi, Predesku, Lilaj, Xhejms, Latifi, Salihi
Kukësi: Koliçi, Hallaçi, Shameti, Alla, Rrumbullaku, Musolli, Lena, Hasani, Dvornekoviç, Carioca, Pejiç
Gjyqtar: Kridens Meta
Stadiumi: “Skënderbeu”
Ndeshja – Një gol i brazilianit Kale dy minutat e fundit të ndeshjes ka prishur festën e korçarëve që po bënin llogari me vëndin e parë pas golit të Latifit. Finalja e parakohshme në stadiumin “Skënderbeu” nuk ka gjetur fitues. Kampionët në fuqi kanë bërë gjithçka mirë, kanë humbur raste të shumta shënimi ndërkoëh që Kukësi është treguar racional duke gjetur golin e barazpeshës që i jep mundësinë për të ruajtur vëndin e parë në tabelën e klasifikimit dhe ruajtur gjithashtu të paprekur kolonën e humbjeve.
1′- Topi i parë shkelmohet nga vendasit. Është Salihi ai që gjuan topin e parë në këtë sfidë.
5′- Loja zhvillohet në mesin e fushës. Të dy ekipet tregohen agresive, megjithatë verilindorët nisin të shtyjnë para. Pero Pejic ka rastin e parë, por kroati bën të vështirën duke e cuar topin lart traversës së Shehit. Verilindorët befasohen, ndërsa korcarët qetesohen pas këtij rasti.
8′- Nijas Lena humb sërish një rast të artë për të shënuar, por mesfushori i Kukësit gabon me gjuajtjen e tij.
10′- Liridon Latifi përfiton pas një topi të humbur nga Kukesi, pason për Salihin i cili brenda zonës rrëzohet. Korcarët pretendojnë për 11-metersh.
14′- Latifi ngre peshë tifozërinë vendase. Mesfushori kosovar arrin të shënojë golin e parë, teksa godet saktë nga jashtë zones së Kukësit.
20′- Atmosfera në stadium është elektrizuese. Te Skënderbeu kërkojnë golin e dytë, ndërsa te Kukësi nuk i besojnë syve pas atij golit të Liridon Latifit.
24′- Kukësi fiton faull në hyrje të zonës së Skënderbeut. Karioka kroson bukur, por lojtarët verilindorë nuk përfitojnë si duhet.
27′- Liridon Latifi është një rrezik konstant për Kukësin. Lojtari i Skënderbeut bën gjithcka mirë, pason për Salihin, i cili ndalet nga shtylla. Kampionët e Shqipëris po dhurojnë spektakël me një Liridon Latifi të papërmbajtshëm.
30′- Përfundojnë 30 minutat e para dhe Skënderbeu vijon të jetë në avantazh.
35′- Gjyqtari Kridens Meta ndal lojën, pasi Lilaj është i dëmtuar.
40′- Korne për Skënderbeun, por Alla e con sërish jashtë.Predesku kroson, por këtë herë është Koliçi që con sërish në këndore.
43′- Këtë herë këndore për Kukësin. Karioka merr përsipër ekzekutimin e saj e saj, por mbrojtja e Skënderbeut është e vendosur mirë.
45′- Gjyqtari i katërt akordon 1 minutë shtesë, por rezultati mbetet i pandryshuar.
46′- Nis pjesa e dytë. Pero Pejiç vë në lojë topin.
49′- Nijas Lena provon me një gjuajtje nga jashtë zone, por goditja e tij është për t’u harruar.
54′- Këndore për Skënderbeun. Kroson Predesku, Salihi pason për Xhejms, por afrikan gjuan jashtë portës së Koliçit.
58′- Goditjë dënimi për Skënderbeun. Lilaj nis shkurt për Xhejms, i cili pason për Salihin, por mbrojtja e Kukësit largon topin.
62′- Një rast i dyshimtë në zonën e Kukësit. Latifi pengohet në zonë, por për gjyqtarin Meta është e rregullt.
70′- Karioka provon me të majtën nga jashtë zone, por Shehi devijon në këndore, e cila nuk sjell asgjë për verilindorët.
75′- Ritmi i lojës është i lartë, megjithatë Skënderbeu është i vendosur mirë.
80′- Faull për skuadrën korçare në hyrje të zonës së Kukësit. Latifi ekzekuton, por asnjë rrezik për portën verilindore.
89′- Ndodh ajo që nuk pritej. Barazohet sfida në Korçë nga një supergol i Kale.
Loading ...
