VIDEO/ Një thembër që djeg shumë, Partizani provokon Tiranën me Tedi Carën
Shkruar nga NEWSPORT
Vetëm 4 ditë na ndajnë nga derbi i kryeqytetit, sfida më e luftuar e kampionatit shqiptarë. Në “Air Albania” ditën e enjte do të vihen përballë Partizani dhe Tirana në derbin e parë të sezonit mes tyre, ku fitorja vlen më shumë se 3 pikë, vlen për krenarinë e një qyteti.
Një duel që do të “paralizojë” kryeqytetin dhe tashmë emocionet e kësaj superndeshjeje kanë nisur të kaplojnë protagonistët. Ashtu si demat edhe bardheblutë vijnë me ndryshime në këtë përballje, por misioni i tyre për 3 pikët nuk ndryshon kurrsesi.
Të kuqtë janë pritës dhe në “Air Albania” dhe nuk do të tolerojnë hapa fals, sidomos kur vijnë përballë rivalit të përjetshëm “dhembin” më shumë. Nëpërmjet në video në rrjetet sociale demat i bëjnë “presion” bardhebluve me golat e shënuar në derbi, ndërsa betohen se do të zbresin në fushë vetëm për fitoren e lavdishme. "Thembra" e Tedi Carës është "plaga" e "pashëruar" e Tiranës dhe demat e godasin në pikën e dobët duke ua risjellë vazhdimisht në kujtesë.
Kujtojmë se kjo ndeshje është e prapambetur dhe e vlefshme për javën e 6-të të Superiores që do të luhet ditën e enjte në “Air Albania” duke nisur që nga ora 19:00. Partizani aktualisht ndodhet në vendin e 5-të në klasifikim me 11 pikë, ndërsa Tirana renditet në vendin e 3-të me 13 pikë.