Ka marrë fund pritja, Michael Ngoo ka mbërritur ditën e sotme në Tiranë. Sulmuesi rikthehet për herë të dytë në kryeqytet, ndërsa zyrtarizimi për firmën me lojtarin është bërë dy ditë më parë nga vetë klubi në faqen zyrtare.
Pas shumë ditësh pritje, Ngoo ka mbërritur në Tiranë, teksa sot është takuar edhe me presidentin Halili në zyrat e klubit.
"Mirëseerdhe, suksese dhe mbarësi për këtë vit", ishin fjalët e presidentit drejtuar lojtarit. Nuk ka munguar as përgjigja e Ngoo në gjuhën shqipe. "Faleminderit", shprehet sulmuesi anglez. Në videon e radhës të postuar nga klubi, Ngoo shprehet: Ça bone, ça bone, Tirona dashni, Tirona kampione pashja jetën, hajde".
Ngoo do të niset drejt Pogradecit për t'u bashkuar me ekipin në fazën përgatitore.
Poll
Lexo gjithashtu
