Stavri Nica menjëherë pas humbjes në Shkodër me shifrat 1-0 ndaj Vllaznisë dha dorëheqjen. Diçka e tillë nuk është pranuar nga drejtuesit, të cilët vazhdojnë t’i besojnë 69 – vjeçarit “çelësat” e skuadrës. Nica ka nisur tashmë punën për përgatitjet e skuadrës për takimin e radhës me Egnatian. Sfidë e vlefshme për javën e 20-të në kampionat dhe do të luhet ditën e premte, duke nisur që nga ora 13:30 në “Kukës Arena”. Kanë qenë vetë lojtarët që kanë kërkuar qëndrimin e trajnerit, i cili ka vendosur më pas të vazhdojë te Kukësi. Verilindorët kanë postuar një video në rrjetet sociale, ku skuadra vazhdon me intensitet stërvitjen për duelin me rrogozhinast, ndërsa timonieri 69-të vjeçar drejton ekipin. Në këtë mënyrë është hedhur prapa krahëve disfatat në Shkodër dhe të Kukësi shpresojnë dhe kërkojnë që të rikthehen te fitorja në kampionat ndaj kryesuesve.

 

View this post on Instagram

 

A post shared by FK Kukësi (@fkkukesialbania)