Francë - Kroaci 4-2
Francë: Lloris, Pavard, Varane, Umtiti, Pogba, Griezmann, Giroud, Mbappe, Kante, Matuidi, Hernandez
Kroaci: Subasiç, Vrsaljko, Strinic, Perisic, Lovren, Rakitic, Modric, Brozovic, Mandzukic, Rebic, Vida
Ndeshja: Një sfidë në nivelet e një finaleje Botërori. Emocione, gola, autogola, penallti dhe raste të diskutueshme. Të gjitha i dhuroi përballja mes Francës dhe Kroacisë. Gjelat arrijnë të konkretizojnë si duhet dhe pas 20 vitesh rikthejnë Kupën e Botës në Paris. Me një super Mbape, Franca e Didier Deshamp e ka më të lehtë të triumfojë bindshëm në këtë finale emocionuese. Ndërsa, Kroacia e Zlatko Daliç hyn si favorite në këtë kompeticion dhe i surprizon të gjithë duke arritur në finale. Megjithëse rezultati nuk tregon atë që dhanë në fushën e blertë, kroatët janë për t'u duartrokitur për të gjithë atë që dhuruan në këtë Botëror "Rusi 2018".
Komenti minutë pas minute:
90'- Gjyqtari i katërt jep 5 minuta shtesë, por rezultati mbetet i pandryshuar.
69'- Lloris i dhuron një gol kroatëve. Portieri francez gabon duke i dhënë asist Mandzukic.
64'- E pabesueshme, por e vërtetë. Kilian Mbape shënon edhe golin e katërt për Francën.
58'- Pogba shënon edhe golin e tretë për Francën. Pas një super driblimi nga Mbape, Griezman shërben për yllin e United i cili përshëndet rrjetën e Subasic.
51'- Ndalet loja. Disa tifozë hyjnë në fushën e blertë.
48'- Kroacia është superiore në këtë pjesë të dytë. Lloris shpëton francezët.
46'- Starton pjesa e dytë. Asnjë ndryshim në kampet respektive.
45'- Gjyqtari i katërt jep 3 minuta shtesë, por rezultati mbetet i pandryshuar.
38'- Franca kalon në avantazh pas një penalltie të akorduar nga gjyqtari i ndeshjes. Pas analizës në teknologjinë VAR, ai nuk heziton dhe ndëshkon kroatët me 11-metërsh pas topit të prekur me dorë nga Perisiç. Antoine Griezman nuk gabon nga pika e bardhë dhe arrin të çojë topin në rrjetë.
27'- Perisiç ngre peshë stadiumin. Super gjuajtje nga sulmuesi i Interit dhe topi shkon në rrjetë.
19'- Goditje dënimi në favor të Francës. Gjuan Griezman dhe topi devijohet në portën e tij nga Mario Mandzukic.
17'- Franca merr në dorë "frerët" e ndeshjes.
11'- Perisiç kap bukur një top me këmbë, kalon në zonën franceze, por nuk arrin të shënjestrojë si duhet.
8'- Këndore për Kroacinë. Kroson Luka Modriç, por largon saktë me kokë Varane.
1'- Topi i parë shkelmohet nga kroatët.
Lexo gjithashtu
