Ilir Daja arriti të kurorëzojë sërish Ballkanin si kampion i Superligës së Kosovës. Suharekasit fituan titullin e dytë rradhazi dhe të dytin në histori teksa fituan ndeshjen e fundit 2-0 ndaj Ferizaj ndërsa rivalët e tyre, Drita, u mposhtën duke i dhënë kështu titullin 1 javë nga fundi suharekasve.
Ballkani së bashku me Ilir Dajën tani do të përfaqësojnë edhe një herë Kosovën në kualifikueset e Championa League dhe do të provojnë të bëjnë një tjetër mrekullu si këtë sezon ku u kualifikuan në grupet e Conference League, si skuadra e parë në historinë e futbollit kosovar.
Sigurisht, nuk mund të mungonte festa e skuadrës pas fitimit të titullit. I gjithë stafi i Ballkanit, sëbashku me lojtarë e drejtues kanë festuar në një nga lokalet e qytetit. Ai që e merr vëmendjen sigurisht është arktitekti i këtij suksesi, Ilir Daja.
Për teknikun tiranas nuk mund të mungonte kënga “Çun Tirone” dhe Daja shihet teksa e “djeg” duke kërcyer.
