Erald Çinari e ka nisur mirë këtë sezon të ri me fanellën e Shkëndijes së Tetovës. 26-vjeçari ka arritur të gjejë rrugën e rrjetës në ndeshjen e javës së 8-të të kampionatin maqedonas, ndeshje të cilën tetovarët e zhvilluan kundër Makedonija GP.
Ndeshja përfundoi me rezultatin 1-0 në favor të Shkëndijes pritëse, teksa ishte pikërisht Çinari ai që i dha fitoren ekipit të tij. Deri në minutën e 59-të të sfidës gjithçka ishte në baraspeshë 0-0, por goditja e Çinarit ishte potente, goditja e cila shkoi në rrjetë.
Me këtë gol, ish-sulmuesi i Partizanit dhe Vllaznisë i jep 3 pikë të rëndësishme ekipit të tij duke e ngjitur në vendin e parë të klasifikimit. Teksa për Çinarin ky është goli i dytë sezonal, pas 8 javëve kampionat.
Poll
Lexo gjithashtu
