Shkëndija zhvilloi një ndeshje miqësore sot në orën 13:00 përballë polakëte të Warta Poznan në Belek të Turqisë. Kuqezinjtë fituan minimalisht me rezultatin 1-0 duke kaluar me sukses këtë test kontrollues.
Autori i golit të vetëm të sfidës ishte Erald Çinari që konfirmon formën e tij edhe në hyrje të 2024-tës. Një kombinim i bukur para zone, Çinari ul mirë një top, e mbron nga kundërshtarët dhe godet me të majtën fort për ta dërguar në cepin e rrjetës.
Ish-sulmuesi i Vllaznisë dhe Partizanit ka shënuar 2 gola e 5 asiste në gjysmën e parë të sezonit dhe do provojë të rrisë akoma më shumë sasinë e golave në pjesën e mbetur. Pas 18 javëve të para, Shkëndija ndodhet në vendin e 3-të me 25 pikë, 4 më pak se Struga kryesuese dhe 3 nga Shkupi.
[video width="640" height="368" mp4="https://newsport.al/wp-content/uploads/2024/02/422672733_6860927194030617_1455120310850412784_n.mp4"][/video]
Lexo gjithashtu
