Ballkani arriti të fitonte dje kundër Sivasporit në transfertë, ndeshje e vlefshme për fazën e grupeve të Conference League. Festa ishte legjitime për Ilir Dajën që ka shkruar historinë dhe sigurisht emrin me të arta në historinë e futbollit kosovar. Lojtarët e Suharekës bashkë me delegacionin janë nisur në orët e para të mëngjesit drejt kthimit në Kosovë.
Por, në aeroportin e Prishtinës ata janë hasur me një surprizë të mrekullueshme. Trajneri kryeqytetas është pritur me curlle dhe daulle, sikurse e do zakoni në orën 3 të mëngjesit. Atmosferë fantastike që shkon në të njëjtën linjë me fitoren e mrekullueshme në një kompeticion si Conference League.
Duhet të kujtojmë që Ballkani dhe Ilir Daja janë të parët nga ekipet shqiptare që arrijnë të fitojnë në fazë grupesh. Për më shumë iu ftojmë të ndiqni dhe shijoni pamjet e siguruara nga Newsport.al, se si priten në aeroport me dajre lojtarët e Ballkanit bashkë me trajnerin Ilir Daja.
Lexo gjithashtu
