Kristjan Asllani është lojtari më i ri i Interit. Mesfushori i kombëtares shqiptare ka bërë hapin e madh në karrierë duke u transferuar te zikaltërit. Ai është huazuar nga Empoli te Interi, me detyrim blerje në fund të sezonit.
Pas kalimit të tij te Inter, është Romelu Lukaku që ka folur me superlativa për 20-vjeçarin. Ai e pëlqen shumë, veçanërisht për mënyrën se si flet.
“E kam parë këtë djalin e ri, Asllanin. Më pëlqen shumë mentaliteti i tij, ju duhet të jeni të surprizuar po kaq shumë. Është një djal i ri, vetëm 20 vjeç. Por nga mënyra sesi ai flet, mua më duket sikur është 27-vjeç”, thotë Lukaku në videon e postuar nga klubi i Interit.
Ndërkohë zikaltërit kanë postuar edhe foton gjenerale të mesfushorit duke firmosur kontratën e re në karrierën e tij. Ai do të paguhet plot 1.2 milionë euro në edicionin e ri futbollistik. Një arritje e madhe për mesfushorin e kombëtares shqiptare, padyshim në majën e futbollit botëror.
Lexo gjithashtu
