Italia është nisur ditën e sotme në Londër për të luajtur finalen e madhe të EURO 2020 ndaj Anglisë. Sfida do të luhet në "Wembley" ditën e nesërme në orën 21:00 dhe të dyja ekipet do të tentojnë të fitojnë trofeun e madh.
Autubusi i skuadrës është nisur nga Coverciano, ndërsa për pak kanë "harruar" Gianluca Vialli. 57-vjeçari është pjesë e stafit të Mancini, por kjo "harresë" është kthyer në një besytni te Italia që u ka sjell shumë fat dhe e gjitha ka nisur nga sfida e parë ndaj Turqisë.
Para ndeshjes së parë, autobusi i skuadrës u nisë dhe kishin harruar Vialin, ndërsa ndaluan pak metra më larg për ta marrë sërish. Tashmë kjo mënyrë është kthyer në një besytni te Italia dhe sot kanë bërë të njëjtën gjë e të gjithë shpresojnë që t'u sjellin fat ashtu siç ka ndodhur në sfidat e kaluar të këtij Europiani.
Lexo gjithashtu
