Partizani është skuadra e vetme nga Superiorja që vazhdon të jetë pjesmarrëse në Conference League. Demat më 10 gusht do të udhëtojnë në Letoni për të sfiduar Valmieran, sfidë e vlefshme për turin e tretë të Conference League.
Një sfidë e rëndësishme për të kuqtë që do të synojnë fitoren për të qenë më afër kualifikimit në “Play-Off”. Por duket se përveç ndeshjes me letonezët që do të luhet pas 3 ditësh, në kryeqytet vëmendja është kthyer edhe te miqësorja e luksit me Romën.
Nëpërmjet një postimi në rrjetet sociale të kuqtë u bëjnë thirrje tifozëve që të blejnë biletat për takimin që do të luhet në “Air Albania” ndaj të besuarve të Jose Mourinhos. Kjo përballje do të zhvillohet më 12 gusht në orën 20:00.
“Rezervo biletën tënde, për të përjetuar emocionet e sfidës magjike mbrëmjen e 12 gushtit”, ka shkruar klubi kryeqytetas.
[caption id="attachment_702692" align="alignnone" width="683"]
foto e postimit te Partizanit/ © Credits facebook.com/partizaniclub[/caption]
Lexo gjithashtu
