Enea Jorgji ka spikatur si arbitër kryesor në ndeshjen mes Ajax dhe Aston Villa, që përfundoi 0 me 0. Ndeshja e parë e vlefshme për turin e 1/8 të Conference League ishte dhe supersfida e së enjtes, në kompeticionin e tretë më të rëndësishëm europian.
Jorgji mori vëmendjen pasi nxorri 2 kartonë të kuq, në harkun kohor të 3 minutave. Nga një për secilën skuadër, fillimisht për Aston Villan dhe më pas për Ajax.
Respektivisht në minutën e 83’ dhe 86’, që gjykohen si vendime të drejta ndërsa erdhën pas kartonëve të verdhë. Konsa për Aston Villan dhe Gooljer për Ajaxin ishin ata që lanë ekipin me 1 lojtar më pak.
Kjo nuk është hera e parë, që Jorgji spikat në skenën europiane. Kujtojmë se në këtë ndeshje u asistua nga Denis Rexha dhe Ridiger Çokaj si arbitër i dytë dhe tretë. Kjo ndeshje në Hollandë me siguri do mbahet mend gjatë nga treshja shqiptare.
Kartonët e kuq të akorduar nga Enea Jorgji: (VIDEO)
Lexo gjithashtu
