Jose Mourinho doli me karton të kuq gjatë ndeshjes Cremonese-Roma të luajtur ditën e martë. Tekniku i verdhekuqve pati një debat me arbitrin e katërt të sfidës dhe për këtë u ndëshkua me të kuqe. Por portugezi u duk i pakënaqur nga ky vendim, pasi ai pretendon se arbitri i katërt e provokoi dhe e shau.
Klubi i Romës e apeloi vendimin para dy ditësh në Gjykatën Sportive të Apelit. Sot kjo gjykatë vendosi që vendimi që Mourinho të pezullohet me dy ndeshje nga stoli të anullohet. Kështu ai do të ketë mundësinë të jetë në stol që në sfidën e nesërme të Romës kundër Juventusit në “Olimpico”. Versioni që Mourinho paraqiti në gjykatë u gjykua si korrekt dhe arbitri i katërt Marco Serra pritet të marrë një pezullim nga autoritetet sportive italiane.
Lexo gjithashtu
