Mes polemikash dhe vendimeve të çuditshme, Tomori është mposhtur me rezultatin 2-0 nga Elbasani. Në "Elbasan Arena" gjykonte Edvin Hoxha, i cilësuar nga skuadra beratase si "kamikazi" i radhës për ekipin e tyre.
Gjithsesi, në një dalje për mediat, klubi beratas nuk ka dashur të merret me vendimet kontradiktore të Hoxhës, teksa gjithçka ia ka lënë në dorë mediave.
Deklarata e plotë:
Duke vlerësuar rezultatin dhe paraqitjen që skuadra ka shfaqur në ndeshjen e djeshme, të cilat kurrsesi nuk janë aspak të denja për emrin e madh dhe fanelën që përfaqëson Tomori, klubi i kërkon publikisht ndjesë tifozësirë së tij. Humbja me rezultatin 2-0 ndaj Elbasanit, luajtur në 'Elbasan Arena', nuk mund të ketë asnjë justifikim nga lojtarët përsa i përketë kundërshtarit, rezultatit dhe lojës që ekipi tregoj në fushë.
Sakaq, është për t'u çuditur sesi arbitri Edvin Hoxha nuk donte t'ia dinte edhe pse ndeshja transmetohej direkt në RTSH Sport. Dhe nëse do të vazhdojmë kështu, gjithçka është e kotë.
Klubi në këtë dalje për mediat nuk do të merret aspak me vendimet e dyshimta, duke ia lënë gjithçka mediave ti pasqyrojnë dhe reklamojnë vendimet e "kamikazit" të radhës.
Ne jemi të vendosur të mos tolerojmë kurrsesi këta arbitra kamikaze të nëpërkëmbin imazhin dhe investimet e Klubit. Tomori do të vazhdoj të konkurojë ndershmërisht në kampionat gjë që e ka treguar në çdo ndeshje.
Lexo gjithashtu
