Vllaznia dhe Skënderbeu do të përballen ditën e sotme në kuadër të finales së vogël të “Abissnet Superiore, sfidë në të cilën do të vendoset vendi i 3-të dhe i 4-të.
Ndeshja që do të zhvillohet në stadiumin “Air Albania”, do të startojë në orën 19:00.
Trajneri i shkodranëve, Thomas Brdaric pritet që në fushën e lojës të hedh një formacion të përzierë, me lojtarë titullar, por edhe disa nga stoli. Këta të fundit do të kenë mundësinë që të shijojnë një ndeshje në “Air Albania”, stadiumi më i mirë në vend.
Tekniku gjerman ka zgjedhur skemën e zakonshme 4-3-3, ku në portë pritet ta nisë Kristi Qarri. Në mbrojtje ka rreshtuar katërshen Smajli, Stojanoviç, Pusi, Yago. Ndërsa mesfushë, Brdaric ua ka besuar Alivodës, Boshnjakut dhe Ajdareviç.
Krahët e sulmit përbëhen përsëri nga lojtarë të rinj si Dodaj dhe Delaj të cilët do të ndihmojnë Bekim Balajn që të gjejë rrugën e rrjetës.
Lexo gjithashtu
