Pavarësisht se humbi shumë raste përballë Skënderbeut në gjysmëfinalen e parë të “Final 4”, Archange Binstouka ishte më i miri i ndeshjes.
Ishte pikërisht sulmuesi nga Kongo që gjeti rrugën e rrjetës duke shënuar golin e vetëm për të tijët dhe të vetmin e sfidës, i cili vendosi dhe fatet e ndeshjes. I kudondodhur, duke kërkuar topa në zonë, Binstouka është tipik një ‘9’ që di të shënojë dhe të lëvizë në zonë.
Pavarësisht se në Superiore shihet si një sulmues ‘normal’, është pikërisht 21-vjeçari ai që ka shënuar më së shumti gola nga lojtarët e “Demave” në këtë sezon të Superiores.
9 rrjeta të tundura për Bintsouka i cili renditet në vendin e 7-të në listën e golashënuesve për shkak të ndeshjeve të luajtura, por përsa i përket golave ai numëron po aq sa Soboëale i Laçit qe mban vendin e katërt.
Një sulmues i mirë, punëtor dhe fjalëpak pa asnjë karakteristikë që mund ta veçojë nga të tjerët.
Por, mbrëmjen e djeshme shënoi një nga golat më të rëndësishëm në karrierë dhe më të rëndësishmit për Partizanin, duke i dërguar këta të fundit në finalen e madhe dhe duke i afruar me titullin kampion.
Lexo gjithashtu
