Tirana dhe Teuta nuk mundën të shkojnë më shumë se një barazim pa gola në javën e 17-të të Superiores në “Air Albania”. Në përfundimin e kësaj përballjeje ka folur trajneri i Tiranës, Gugash Magani.
“E filluam keq lojën në 15 minutat e para nuk e patëm mirë stabilitetin dhe pjesa e parë nuk ishte aq e mirë. Dua t’i përgëzoj djemtë për lojën e mirë që bënë.
Në shumicën e rasteve në pjesën e parë patëm probleme në mesfushë, Dembele nuk ishte në pozicionin e tij natyral. U mendova qëtë bëmë ndërrime dhe pjesa e dytë rezultoi e mirë.
Jonuzi i ka bërë ndeshjet të gjitha 100 %, por ka pasur një lodhje të vogël fizike, unë atë e kam pasur gjithmonë një lojtar kyç. Haxhiu është një lojtar që më të fortë ka pikën sulmuese sesa mbrojtëse.
Kundërshtari na dilte gjithmonë në superioritet në krahun e majtë ndaj ne bëmë ato ndërrime në pjesën e dytë që them se funksionuan mirë.
Bëmë gjithçka në këtë ndeshje vetëm se na mungoi fitorja.”- u shpreh tekniku Magani në përfundimin e sfidës.
Lexo gjithashtu
