Një pjesë e vëmendjes së tifozëve do të jetë edhe te Kategoria e Parë që do të luajë ndeshjet e fundit të javës së 3-të. Ashtu si “Abissnet Superiore” edhe Kategoria e Parë do të vijë ditën e sotme me dy takime mjaft interesante, të cilat do të luhen në të njëjtën orë, 16:00.
Elbasani do të luajë në transfertë ndaj Lushnjes, një takim ku miqtë dëshirojnë rezultat pozitiv. Elbasanasit pas fitores spektakolare ndaj Vorës një javë më parë, ndaj lushnjarëve kërkon 3 pikët për t’u ngjithur në krye të klasifikimit. Ndërkohë nga ana tjetër Lushnja me 0 pikë në 2 ndeshje do të synojë fitoren në shpëti përballë mbështetësve të saj.
Paralelisht do të luhet edhe dueli mes Vorës dhe Burrelit. Vendasit pas humbjes me Elbasanin nuk u lejohen hapat fals dhe Artan Mërgjyshi futet në fushë vetëm për 3 pikët. Gjithashtu ekipi nga Burreli do të synojë fitoren e parë të sezonit, teksa aktualisht ka grumbulluar vetmë 1 pikë në dy sfida.
[caption id="attachment_706652" align="alignnone" width="675"] Ndeshjet e dites ne Kategorine e Pare[/caption]