Pas kualifikimit në gjysmëfinale të Tiranës dhe Teutës, sot është dita kur do të mësohen edhe dy skuadrat e fundit që do të sigurojnë biletën për në fazën tjetër të Kupës së Shqipërisë.
Dy takime mjaft interesante do të zhvillohen në orën 13:00 dhe 17:00. Fillimisht e gjithë vëmendja do të jetë në Laç aty ku vendasit presin Egnatian, me sfidën e parë mes tyre që ka përfunduar 0-0. Kurbinasit synojnë kualifikimin, ndërsa cilësohen si eksperte e Kupës, pasi shpesh vitet e fundit kanë arritur deri në finale. Nga krahu tjetër Egnatia kërkon të shkruajë historinë në këtë turne, pasi për herë të parë kërkon gjysmëfinalen e Kupës.
Gjithashtu në orën 17:00 Partizani do të ketë një mision të vështirë, të përmbysë rezultatin 3-1 të sfidës së parë për të siguruar biletën e fundit për në gjysmëfinalen. Giovanni Colella nuk ka çfarë të humbase dhe demat do të luajnë gjithçka për gjithçka në stadiumin “Partizani”. Ndërkohë shkodranët e udhëhequr nga Mirel Josa do të pajtoheshin me një barazim apo një humbje minimale për të vazhduar rrugëtimin e tyre më tej.
[caption id="attachment_684528" align="alignnone" width="300"]
Ndeshjet e sotme ne Kupen e Shqiperise[/caption]
Lexo gjithashtu
