Shqipëria është në Europian. Kombëtarja ka marrë pikën që i nevojitej falë barazimit me rezultatin 1-1 dhe siguron matematikisht për të dytën herë në historinë e saj pjesëmarrjen në finalet e një kampionati europian.
Pas këtij kualifikimi, nuk ka munguar as urimi vëllazëror nga Kosova. Presidenti i Federatës së Futbollit të Kosovës, Agim Ademi ka uruar Kombëtaren shqiptare për këtë kualifikimi. Ademi shprehet se pas këtij kualifikimi, gëzimi dhe krenaria kanë pushtuar zemrat e të gjithë shqiptarëve.
"Sonte, gëzimi dhe krenaria kanë pushtuar zemrat e të gjithë shqiptarëve, pasi Shqipëria e ka siguruar pjesëmarrjen e saj në Euro 2024.
Në këtë moment shumë të veçantë, në emrin tim dhe të Federatës së Futbollit të Kosovës, dua të shpreh përgëzimet më të sinqerta për këtë triumf të madh të futbollit shqiptar.
Vlerësoj thellë faktin se evropiani “Gjermani 2024” do të flasë shqip, duke sjellë kësisoj gëzim të paimagjinueshëm për shqiptarët kudo në botë.
Ky është një sukses i jashtëzakonshëm për një vend si Shqipëria, që sot, për herë të dytë në histori, arrin të prekë majat e futbollit evropian.
Dua të përcjellë përgëzimet e mia më të sinqerta për të gjithë futbollistët kuqezi, stafin, me trajnerin Sylvinho, presidentin Armand Duka dhe të gjithë ata që kanë punuar me zell dhe pasion për të arritur këtë sukses të madh.
Në këtë ditë feste për shqiptarët, uroj që Kombëtarja e Shqipërisë të vazhdojë me formë të lartë dhe të jetë befasia e këndshme në Euro 2024.
Suksese dhe ju priftë e mbara! 
", shkruan Presidenti i FFK-së, Agim Ademi.
", shkruan Presidenti i FFK-së, Agim Ademi.
Poll
Lexo gjithashtu
