Albi Alla ishte njeri i ndeshjes mbrëmjen e sotme në takimin Flamurtari-Kukësi, sfidë e cila u fitua nga vlonjatët me rezultatin 1-0 pas golit të shënuar nga pogradecari.
Ai ka folur për mikrofonin e “Supersport” në emisionin “Gol pas Goli” ku ka shpjeguar shumë detaje nga ndeshja, duke mos harruar dhe një ftesë të mundshme nga Panuci në Kombëtare.
“Rëndësi ka që morëm tre pikët. Ironia e fatit ishte që sapo u largova nga Kukësi, luajta ndaj kësaj skuadre dhe shënova. Flamurtari? Bëhet një punë e mirë dhe këtë e treguam edhe sot në fushë. Jam i lumtur me golin dhe tre pikët që morëm mbrëjen e sotme. Mesazh për Panuçin për një rikthim të mundshëm? Kombëtaren e duan të gjithë, e kam ndjerë atë kënaqi, me punë dhe starvitje mund të tërheq vëmendjen e trajnerit. Shameti shok skuadre? Nuk e di, mbase ka menduar që kam luajtur me të (qesh)”.
Loading ...
