Lucas Ramos ka gjetur akordin me Egnatian. Mesfushori brazilian prej dy muajsh ka mbyllur marrëveshjen me Laçin, teksa pritet të rikthehet në Shqipëri, këtë herë për llogari të Egnatia. Ka qenë vetë trajneri Gugash Magani që kërkon lojtarin në skuadër, me rrogozhinasit që kanë bërë një merkato të studiuar.
Ramos e njeh mirë futbollin shqiptar, teksa veç Laçit ka qenë pjesë edhe e Flamurtarit. Me një karrierë të pasur në Brazil dhe Greqi, Ramos pritet të mbushë boshllëqet në mesfushën e Egnatias. Veç Ramos, në Rrogozhinë për provë janë edhe dy futbollistë nga Argjentina, me trajnerin peqinas që ende nuk e ka marrë vendimin për ta.
