Kukësi u kualifikua në gjysmëfinalen e Kupës së Shqipëris,ë teks amposhti pas “ruletës ruse” Partizanin. Një fitore e rëndësishme për verilindorët, e cila i motivon për sfidat e radhës në kampioinat dhe jo vetëm.
Tashmë në Kukës kanë kthyer menjëherë fokusin te dueli i radhës që do ta luajnë në shtëpi ndaj Laçit. Bledar Devolli po punon shumë me ‘djemtë’ e tij për t’u rikthyer te fitorja në kampionat, e cila iu mungon prej 16 ndeshjesh.
Sigurisht kualifikimi në Kupë i motivon lojtarët dhe stafin për të arritur te fitorja ndaj kurbinasve dhe në këtë mënyrë 3 pikët janë mëse të detyrueshme. Një fitore që do të vlejë shumë pasi në Kukës kërkojnë të shmangin rënien në Kategorinë e Parë, teksa situata pas çdo ndeshjeje vështirësohet.
Aktualisht Kukësi mban vendin e 10-të në klasifikim me 19 pikë pasa 26 javësh. Verilindorët ndodhen 7 pikë pas Erzenit dhe 9 pikë pas Teutës që ndodhet në “Play-Out”. Kujtojmë se Kukësi - Laçi do të luhet ditën e hënë në orën 14:00 në "Kukës Arena" dhe është i vlefshëm për javën e 27-të të Superiores.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
