Fitorja me Barcelonën dhe Salernitana si duket ka hedhur pas momentin negativ të Interit dhe skuadra ndodhet në një atmosferë tejet pozitive. Fitorja e djeshme 2-0 me Salernitanan kënaqi si publikun ashtu edhe trajnerin Inzaghi.
Kristjan Asllani pritej titullar por në fund tekniku ndryshoi mendje duke e nisr përsëri me Calhanoglu përpara mbrojtjes. Trajneri Inzaghi teksa u pyet nëse Brozovic do të rikthehet direkt në formacion, u ndal edhe tek Asllani.
“Absolutisht që Brozovic nuk e ka vendin e garantuar kur të kthehet. Nuk ka pronar këtu, duhet të punosh fort çdo ditë. Do të doja t’i kisha të gjithë në dispozicion. Calhanoglu ka bërë dy ndeshje fantastike por unë kam edhe Asllanin me Mkhytarian në mefushë.
Kristjani po punon shumë mirë dhe jam i kënaqur me atë që shoh në stërvitje. Jam i sigurt që do të japë shumë për Interin për vite me rradhë.”- u shpreh tekniku zikaltërve.
Lexo gjithashtu
