Kukësi luajti dje kundër Apolonisë në transfertë, ndeshje që u fitua me rezultatin 2-1 nga verilindorët. Kuksianët arritën të merrnin një triumf të rëndësishëm në ndeshjen e parë të çerekfinales së Kupës së Shqipërisë, por humbën një lojtar si Erhun Obanor. Shtatlarti i prapavijës së Kukësit u dëmtua në minutën e 60-të duke u detyruar të linte fushën e blertë.
24-vjeçari ka shqetësuar jo pak, pasi dyshohet se ka dëmtuar kroaciatin në gju. Nëse rezonanca magnetike pasqyron një gjë të tillë, 6 muaj është periudha minimale e rikuperimit për qendërmbrojtësin kuksian. Një humbje e madhe për trajnerin Orges Shehi dhe Kukësin që e ka përdorur Obanorin si titullar për gjatë kësaj periudhe.
Poll
Lexo gjithashtu
