Atletja shqiptare në Rio 2016, Luiza Gega, për fat të keq nuk është në 100% të formës para garimit të saj në Lojërat Olimpike.
Një dëmtim i hershëm i saj në tendinën e Akilit, është rishfaqur t'i japë dhimbje sportistes.
"Dëmtimi u pësua në kampionatin europian. Në stërvitjet në Shqipëri para olimpiadës është ushtruar më pak në disiplinën me pengesa si rekomandim i mjekut. Më pas lodhja e rrugës deri në Brazil, ceremonia hapëse, dhe menjëherë më pas stërvitjet këtu ia kanë rikthyer dhimbjen që nuk e lejon të garojë lirshëm. Deri para garës do të bëjmë të pamundurën që të jetë në gjendje sa më të mirë", ka thënë trajneri i Gegës, Taulant Stërmasi, për "Panorama Sport".
Gega do të garojë ditën e nesërme në garën e 3000 metrave me pengesa dhe synimi do të jetë kualifikimi në finale.
Lexo gjithashtu
