Një ngjarje e rëndë ka prekur klubin zikaltër pak momente para startit të takimit me Sampdorian. Vittorio Boiocchi, kreu i ultrasve të Interit u vra mbrëmjen e sotme me armë zjarri në Figino, zonë periferike e Milanos.
Mediat e huaja bëjnë me dije se Boiocchi u qëllua në kraharor me tre plumba në zonën e Fratelli Zanzottera jo shumë larg shtëpisë së tij.
Ai vdiq pak momente pasi u dërgua në spital, për shkak të plagëve të rënda që mori nga sulmi. Ngjarja ka ndodhur pak momente para ndeshjes Inter-Sampdoria që u zhvillua në San Siro. Pas njoftimit të lajmin për vdekjen e Boiocchi-t, tifozeri e "Curva Nord" e Inter hoqi pankartat dhe ndaloi së kënduari, si dhe një pjesë u largua nga stadiumi.
Boiocchi ishte një emër i njohur për policinë pasi kishte disa akuza ndër vite: grabitje, trafik droge dhe rrëmbim. Ai kishte kaluar mbi 26 vjet në burg, herën e fundit që u arrestua ishte viti 2021.
Lexo gjithashtu
