Trajneri i ri i Ukrainës është ish-sulmuesi i madh

Europiani në Francë nuk ka shkuar sipas parashikimeve për Ukrainën, që ka pësuar një humbje 2-0 me Gjermaninë dhe më pas një tjetër me të njëjtin rezultat ndaj Irlandës së Veriut, por kjo e fundit djeg më shumë në planin moral. Sido që të dalë ndeshja e sotme me Poloninë, ukrainasit janë të eliminuar dhe në stolin e tyre pritet të ketë ndryshime. Vendin e Mihajlo Formenkos pritet ta marrë ndihmësi i tij aktual, ish-sulmuesi i famshëm i Milanit dhe Dinamos së Kievit, Andrij Shevçenko. Për fituesin e “Topit të artë” eksperienca e parë si trajner duket se është në prag dhe këtë do ta bëjë pikërisht me kombëtaren e tij.