Ylli Shameti ka qenë një nga mbrojtësat më të mirë në Superligën shqiptare. Gjirokastriti këtë sezon është transferuar te Gjilani pas aventurës me Kukësin. Në një lidhje me “Fan Zone”, Shameti u shpreh:
“Nuk e kam nisur mirë sezonin pasi kam pësuar dëmtime. Dua të rikthehem sa më shpejt e të bëjë atë që di të bëj unë në fushën e lojës. Do të bëjë edhe testet e fundit në kavilje për të parë gjendjen time edhe pse nuk do të jetë njësoj si më parë.
U largova me kujtime të bukura të Kukësit dhe ika me falenderime për të gjithë. Mendoj si ata kanë lënë gjurmë në karrierën time dhe unë besoj kam lënë vendimin tim në atë klub dhe për këtë jam krenar”.
Trajneri më i mirë dhe më pak i preferuar? “Të gjithë trajnerët janë të vyer për ne futbollistët dhe unë kam kaluar shumë të tillë. Jam munduar t’i marrë sa më shumë nga këta. Për mua trajneri më i mirë që kam kontakte edhe tani është Mirel Josa”.
Titulli me Kukësin? “Janë momente shumë të bukura që do të ngelen në zemrën time. Ishte një koiçend që Kupën e ngrita në qytetin e lindjes dhe ishte një ndeshje e veçantë. Shpresoj që edhe Gjirokasta në të ardhmen të arrijë historinë e Kukësit e do të më bëhej qejfi”.
Rikthimi te Kukësi? “Është gjithmonë mirë të rikthehesh te një familje pasi unë e shikoj si shtëpinë time të dytë. Asnjëherë mos thuaj kurrë, por e rëndësishme të kthehesh e të japësh kontributin tëndë. Tani jam I foksuar te Gjilani pasi më ka mbështetur shumë në këtë kohë e shpresoj të kthehemi sa më shpejt në fushë pasi ne nuk rrijmë dot kaq pa luajtur.”
Sulmuesit më të vështirë? “Më para kanë qenë, Sinani, Fortuzi, ndërsa kohët e fundit, Pejic, EKuban, Olainka që kanë bërë shumë mirë në futbollin shqiptar”.
Pas largimit nga futbolli? “Jam në dilem pasi tani ka dy diploma, por anoj pak më shumë nga sporti pasi e kam kaluar gjithë jetën me sport. E shikoj më shumë veten te trajneri pasi menaxheri nuk është në tipin tim”.
Titulli këtë sezon? “Kukësi ka një ekip shumë të mirë, por deri në këto momente nuk është admistrur shumë mirë. Nëse kthehet futbolli mendoj se akoma ka pikë në lojë edhe pse kanë bërë shumë gabime që nuk I lejohej. Pas kësaj pushimi të gjitha skuadrat do të kenë probleme motivimi dhe ata duhet të japin marshin e fundit”.
Lexo gjithashtu
