Shqipëria e nisi me humbje fazën kualifikuese të Euro 2024, teksa u mposht minimalisht 1-0 nga Polonia në Varshavë. Një humbje që “dhemb” për kuqezinjtë e Sylvinhos, i cili e nisi po ashtu me humbje aventurën e tij në stolin e kombëtares tonë.
Por pavarësisht të gjithave, lojtarët zhvilluan një lojë relativisht të mirë, ku nga një episod i pafat u ndëshkuan. I këtij mendimi është edhe trajneri kampion i Superiores, Edi Martini.
Timonieri i Teutës nëpërmjet një postimi në rrjetet sociale është i bindur se kjo kombëtare nuk meritoi humbjen, ndërsa nënvizoi gjithashtu se e ardhmja është e sigurtë.
“Ndeshje shumë e mirë e kombëtares tonë. Bravo trajnerit dhe djemve që bënë një lojë të mirë dhe nuk e meritonim të humbisnin sot raste shumë herë më të pastra se Polonia. Duhet më tepër besim te vetja sepse jemi një ekip me shumë të ardhme dhe kur mendon kthimin nga dëmtimet e Armando Brojës, Bares apo Gjimshitit. Jemi një ekip që mund të shkojmë në Europian me patjetër. Suksese djema”, ka shkruar Martini.
[caption id="attachment_686296" align="alignnone" width="593"]
Postimi i Edi Martinit[/caption]
Lexo gjithashtu
