Trajneri i Skënderbeut Orges Shehi ka folur ditën e sotme në konferencën për shtyp përpara ndeshjes së nesërme kundër Kastriotit, të vlefshme për javën e dytë te Superiores.
Tekniku i korçarëve ka thënë se sfida në Fushë-Krujë do të jetë mjaft e vështirë, dhe se Skënderbeu do të futet si gjithmonë për të bërë maksimumin, megjithëse ekipi ka nevojë edhe për disa përforcime. Ndërkohë Shehi ka befasuar kur tha se objektivi i skuadrës këtë sezon nuk është titulli kampion por çdo ndeshje e rradhës për të dhënë më të mirën pavarësisht kundërshtarit dhe rezultatit në fund.
“Është një ndeshje e veçantë me Kastriotin pasi kanë elementë për ti marr në konsideratë. Duhet vlerësim maksimal. Fili është një element që e kërkonim. Kemi disa mangësi në alternativa, kemi dhe shumë lojtarë të rinj. Kam besim te lojtarët e rinj por do kompletohemi akoma. Skuadra duhet të jetë agresive dhe e etur për fitore, kemi shumë energji dhe do kompensojmë largimet e vjetshme. Jam gjithmonë me këmbë në tokë. Objektivi ynë është vetëm ndeshja e rradhës dhe jo kampionati në tërësi apo titulli. Afrimet e reja nuk janë ende gati, kështu që do bazohemi kryesisht te grupi i ndeshjes së fundit. Ne do futemi në çdo ndeshje për maksimumin, pastaj rezultati nuk varet vetëm nga ne. Kemi nevojë dhe për dy përforcime ende”, ka thënë në fjalën e tij trajneri Shehi.
Loading ...
