Shpëtim Duro është trajneri i ri i Egnatias, pas largimit të Edlir Tetovës. I ftuar në emisionin “Sport News” tekniku Duro ka folur rreth ofertës së klubit dhe objektivat e këtij sezoni. Gjithashtu ka nënvizuar faktin që kjo aventurë e re, është e njëjtë me atë që ka kaluar më parë tek Laçi.
Fjala e Shpëtim Duro:
“Nuk ishte e vështirë të pranoja këtë ofertë. Ishte diçka e shpejtë. Siç është marrë vesh pas ndeshjes dje, është larguar trajneri. Unë kam patur një takim. Egnatia është një klub që dihet tashmë se çfarë skuadre ka. Nuk ma kanë kërkuar europa, por objektivat i kanë paraqitur në fillim të kampionatit. Unë do bëj punën time, do jap maksimumin tim. Unë do jap gjithçka për të shpërblyer besimin e dhënë. Një trajner është mirë ta fillojë punën nga fillimi. Trajneri jo gjithmonë shkon aty në momentin e duhur. Unë Laçin e kam marrë 2 herë në këto situata. Padyshim që ka lojtarë që i kam stërvitur unë. Është mirë kur ka një grup lojtarësh që i njeh”.
Lexo gjithashtu
