Besëlidhja ka arritur të triumfojë në sfidën e javës së 7-të ndaj Vllaznisë me shifrat 93-52. Ndeshja e zhvilluar në Shkodër, ka treguar dhe njëherë objektivat madhorë të ekipit të besëlidhjës. Diferenca e madhe është një faktor kyç që vë në pah situatën kritike që po kalon ekipi i Vllaznisë.
Trajneri Afrim Bilali së bashku me stafin e tij, po vijojnë me punën e palodhur drejt objektivave madhor në këtë sezon. Në deklaratën për mediat pas përfundimit të takimit trajneri Afrim Bilali ka vënë theksin në çështjen e lojtarëve të huaj dhe atyre shqiptare.
Trajneri Afrim Bilali: "Ka një problem shumë të madh në këtë gjë. Kur kemi stërvitje në mëngjes asnjë nga lojtarët shqiptar nuk paraqitet pasi janë punë janë në shkollë. Pra si mund të ndërtosh një ekip profesionist me lojtarë amatorë. Për aq kohë sa nuk ka lekë dhe lojtarët janë të detyruar të punojnë dhe nuk mundet të vijë në stërvitje. Amerikanët paguhen për këtë punë dhe janë aty çdo seancë".
Lexo gjithashtu
