Pas takimit për turin e dytë e vlefshme për Kupën e Shqipërisë përballë Bylisit, kanë nisur problemet për Luftëtarin. Hasan Lika nuk do të ketë në dispozicion tre titullarë për ndeshjen e radhës përballë Flamurtarit, kjo ka bërë që tekniku të vihet në lëvizje për të gjetur zëvendësuesit.
Abazaj, Bregu dhe Zguro me shumë mundësi nuk do të zbresin në fushë ndaj ekipit vlonjat. Duke ditur se të tre futbollistët janë lojtarët kyç të ekipit, pritet që Luftëtari të ketë vështirësi në javën e 13-të të kampionatit.
Lidhur me seancën stërvitore, duke parë se gjendja ka qenë e rënduar për shkak të rreshjeve të shumta të shiut që kanë përfshirë vendin ditën e djeshme, trajneri Lika ka shfrytëzuar parketin e pallatit të sportit për të zhvilluar përgatitjet e fundit përpara përballjes me vlonjatët.
Lexo gjithashtu
